الأجهزة اللوحية وأجهزة القراءة الإلكترونية | أجهزة تقنية الحبر الإلكتروني للقراءة والكتابة

بالنسبة للجهاز فهو اكثر من رائع، خفيف وسهل الاستخدام للاشخاص اللي يتنقلون كثير ومميز جدًا ويخدم بشكل كبير خصوصا مع الاشخاص اللي يكتبون بشكل كبير ويواجهون مشاكل مع ضياع الورقه والقلم والتشتت، اخذته لهدف اساسي اللي هو كتابة الملاحظات وتنظيم المهام اكثر من فقط قراءة لاني ما استعمله بالقراءة للآن لكن مريح للعين للي يبي يقرأ منه. وفادني جدًا بالكتابه وحقق هدفي الاساسي اللي اشتريته عشانه واقدر اقول بكل ثقه الجهاز يستحق سعره، وجوده جزء لا يتجزأ من يومي ضروري جدًا جدًا للكتابه والتخطيط بالنسبة لي شخصيًا، الملمس جدًا مشابه للورقة والقلم فيعطي تجربة مميزه بالكتابة والالوان خفيفه للعين وبنفس الوقت فيها تدرجات واسعه، تخليت تماما عن استخدام الورقة والقلم واتجهت لهذا الجهاز بشكل كامل. بالنسبة للمتجر فالتعامل معهم سلس جدًا وتعاملهم ممتاز ايضًا ورضا العميل دائمًا أولوية ودعمهم للطلاب لا يوصف فالشكر موصول للفريق القائم على ذلك ومو آخر تعامل باذن الله.

من خلال تجربتي:
١. الرد السريع في الواتس حتى في عطلة الاسبوع والاجابة على استفساراتي الخاصة بالمنتج باحترافية وأمانة
٢. تم تزويدي بكرم من المتجر بكود خصم وتوصيل مجاني وهدية شاحن لاسلكي وهو هدية قيمة.
٣. التوصيل اخترت التوصيل خلال يومين وكان القائم بالتوصيل محترم وزودني بالوقت المتوقع للتوصبل والتزم به.
٤. المنتجات وصلتني في كيس قماشي جميل عليه اسم المتجر وهدية استيكرات ونسخه مطبوعه من الفاتورة وكان تغليف المنتجات ممتاز وواضح انها كانت مخزنة بعناية.
٥. الجهاز الذي اشتريته خدمني جدا واستفدت منه .
تمنياتي بالتوفيق للقائمين على هذا المتجر الالكتروني